„На Велигден“ – Џина Папас Џокси со нова верзија и спот за една од најубавите празнични песни

Џина Папас Џокси ги објави спотот и новата верзија на песната „На Велигден“.

Две недели пред големиот христијански празник Велигден, македонскиот пејач го сподели на социјалните мрежи видеозаписот снимен во црквата „Св. Димитрија“ во Скопје.

Музиката и текстот се на Џокси, а за аранжманот се погрижи Тоше Попсимонов.

Нова а капела верзија на „На Велигден“ 

Почитувани, 

По повод 130 години од изградбата на храмот „Св. вмч. Димитриј“ – Скопје, ми претставува особена чест да ви ја преставам новата а капела верзија на песната „На Велигден“, реализирана во соработка со студискиот хор на TFT Production од Канада.

Оваа изведба е создадена како скромен, но искрен придонес кон одбележувањето на значајниот јубилеј – како музичка молитва што ја отсликува духовната димензија на празникот и континуитетот на традицијата низ времето. 

Верувам дека песната со својата атмосфера и порака ќе најде свое место во вашите животи, особено во периодот на празничните денови, носејќи чувство на мир, надеж и духовна радост. 

Ви благодарам однапред за вниманието и поддршката. 

Со почит, Џина Папас Џокси – стои во описот на видеозаписот.