Теа Трајковска отвора едно ново, многу поинтимно поглавје во нејзината кариера. По изјавите дека зад себе остава една длабоко трансформативна година, македонската пејачка ни ја подарува „22“ и буди емоции со песна за љубовта, спомените, тагата и разочарувањето.
„На 22 научив да патам, на 22 знаев јас да сакам“ се стихови во кои лесно може да се пронајде секој што некогаш сакал без резерва.
Музиката и аранжманот се на Лазар Цветковски, а текстот е лично дело на Теа, што ѝ дава дополнителна тежина и ранливост на изведбата.
Видеото, потпишано од режисерот Никола Наумовски, совршено ја прати меланхоличната и носталгична нишка која се провлекува низ песната.
Некои луѓе остануваат во друго време, а на нас ни остануваат спомените. Ако некогаш сте сакале искрено, ова е песната за вас ❤️ - порача Теа.