По терористичките напади во Париз, под хаштаговите #IAmAMuslim и #NotInMyName многу муслимани отворено го изразија својот револт и го осудија безмилосното убивање, искажувајќи сочувство и потсетувајќи дека нивната религија не проповеда насилство, туку мир.
Еден муслиман реши на поинаков начин да го крене својот глас и да ја пренесе пораката дека муслиман, не значи и терорист.
Во видеото, смелиот маж застанува сред насобраната толпа во срцето на Париз со врзани очи и раширени раце, а пред него има натписи: „Јас сум муслиман, но ми велат дека сум терорист. Јас ти верувам тебе, дали ти ми веруваш? Гушни ме ако ми веруваш.“
Многуте прегратки му покажаа дека жителите на Париз му веруваат. Една жена, која не може да си ги запре солзите, му останува долго време во прегратка.
BLINDFOLD MUSLIM HUG"Hug me if you trust me, I'm told I'm a terrorist", –Muslim man opens his arms to Parisians#Paris #PlacedelaRepublique #ParisAttacks #Islamophobia #MuslimsAreNotTerrorists
Posted by In the NOW on понеделник, 16 ноември 2015
„Ви благодарам на сите кои ми подаривте прегратка. Го направив ова за да испратам порака до сите. Јас сум муслиман, но тоа не ме прави терорист. Никогаш не сум убил никого. Дури и можам да кажам дека во петокот ми беше роденден, но не излегов. Длабоко сочувствувам со семејствата на жртвите. Сакам да ви кажам дека „муслиман“ не е исто со „терорист“. Терорист е терорист, некој кој убива други човечки суштества без причина. Муслиман никогаш не би го направил тоа. Нашата религија го забранува тоа“ – вели тој додека луѓето му аплаудираат.
Видеото е снимено по неколкуте координирани терористички напади во Париз, во кои загинаа најмалку 129 лица.
