Фотографијата на која крунисана мисица понизно клечи пред мајка си е вирален хит на азискиот континент. Постапката на 17-годишната девојка згреа илјадници срца.
Откако Канита Минт Пасаенг ја добила титулата на натпреварот за убавина „Miss Uncensored News Thailand“, таа се вратила во родниот крај и клекнала пред својата мајка пред валкани канти за да ѝ се заблагодари што ја израснала.
Мајката на Минт собира и рециклира ѓубре за да заработи за живот, а Канита не се срами да признае дека редовно ѝ помага на мајка си.
„Мајка ми е заслужна за она што го имам денес. Ние заработуваме чесно, па нема причина да се чувствувам инфериорно“ – рекла Минт.
Благодарение на големото медиумско внимание, Минт добива многу понуди за работа, но и за продолжување на образованието. Tаа вeли дека и понатаму ќе ѝ помага на мајка си, бидејќи токму таа работа ѝ помогнала да израсне во личноста која е денес.
