Фантастично трио го разубавува ноемвриското издание на „Вог“ Турција.
Наоми Кембел, Клаудија Шифер и Ева Херцигова го покажуваат своето долгогодишно искуство пред фотоапаратот на Кунејт Акероглу.
Фокусот на фотосесијата е поставен на трите убавици. Супермоделите, кои владееја на модната сцена во 90-тите години, позираат во црно-бела облека пред сива позадина.
Во изминатава година сè почесто се ангажирани оригиналните супермодели кои сега веќе се во 40-тите години од својот живот. 44-годишната Наоми е главното лице и од новото издание на „Vanity Fair“ Шпанија.
