„Мојот свет“: Дарко Лазиќ се смее додека игра со своите деца и децата на брат му Драган кој загина во сообраќајка на 32 години
Дарко Лазиќ утеха пронајде во децата откако неговиот брат Драган загина во сообраќајна несреќа на 32-годишна возраст.
Десет дена по неговата смрт, српскиот пејач сподели фотографија на која игра со своите три деца и со двете ќерки на брат му. Дарко повторно успеа да се насмее, благодарение на љубовта која му ја дадоа најмалите членови на неговата фамилија.
На фотографијата, Дарко лежи на кревет додека врз него лежат неговите две ќерки Лорена и Срна, и синот Алексеј, како и ќерките на Драган.
„Мој 🌎❤️🙏“ – напиша тој.
Драган загина во сообраќајна несреќа со мотоцикл пред повеќе од 10 дена.
И покрај огромната болка, Дарко накратко им се обрати на новинарите по дознавањето на ужасната вест.
„Ќе бидам многу краток, не сакам многу да зборувам. Изгубив голем дел од себе. Сето ова ми падна многу тешко. Ве молам за малку разбирање… Немам веќе ни сила, ни зборови, ни солзи. Изгубив половина од мене, половина од мојот живот, половина од моето срце“ – рече пејачот низ солзи.
Драган беше две години помлад од својот брат и исто така се занимаваше со музика. Тие беа многу блиски и често поминуваа време заедно во семејниот дом во Брестач. Пред неговата смрт биле заедно во кафуле во Шабац.
