Боксерските плетенки се претворија во модна сензација. Нема да дискутираме дали нивната популарност се должи на сестрите Кардашијан и Џенер или какво е нивното потекло, едноставно ќе го констатираме очигледното – тоа се плетенките кои направија „бум“.
Модните блогерки смело го прифатија новиот тренд, а и многу ѕвезди без размислување го вметнаа во своите секојдневни стилски приказни.
Како што се затоплува времето, популарноста на овие плетенки се зголемува. Тие се идеални за стилизирање на косата за време на претстојните тропски горештини, за на плажа или за спортување, бидејќи штом еднаш ќе ги „скоцкате“, нема да треба да се грижите за вашата коса во текот на целиот ден.
Наречете ги боксерски, превртени француски или двојни холандски, наречете ги како сакате, но не може да негирате дека овие плетенки со сите нивни варијации се моден хит.
Како да ги сплетете?
Во продолжение ќе најдете неколку туторијали.