Модерни во костуми: Џејсон Момоа со 13 години помладата девојка на црвениот тепих во Лондон

Џејсон Момоа ужива во романсата со Адрија Арјона, една година по финализирањето на разводот со Лиса Бонет.

45-годишниот актер ја поведе со себе 13 години помладата партнерка на премиерата на филмот „Black Bag“ во Лондон. Парот изгледаше шик и модерно во костуми.

Адрија избра црн костум кој го надополни со бел шешир, додека Џејсон заведуваше во сив костум со риги и бела кошула.

Ниту Момоа, ниту Арјона не се дел од актерката екипа во филмот „Black Bag“.

Парот е во врска околу една година, а за првпат заедно се појави на настан во февруари оваа година.

Момоа претходно 16 години беше во брак со 57-годишната Лиса Бонет. Тие се разделија во 2022 година, а нивниот развод беше финализиран во јануари 2024 година.

Заедно имаат две деца, 17-годишната Лола и 16-годишниот Накоа-Волф.