Многу хумор и балкански темперамент: Трејлерот за филмот „Свадба“ кој стана хит на Балканот

Филмот „Свадба“ стана вистински хит на Балканот.

Комедијата во режија на Игор Шереги изобилува со хумор и ситуации во кои доаѓа до израз балканскиот темперамент, а има и феноменална актерска екипа, во која се и: Рене Биторајац, Драган Бјелогрлиќ, Линда Бегонја, Анѓелка Стевиќ Жугиќ, Весна Тривалиќ, Јелисавета „Сека“ Саблиќ и Срѓан „Жика“ Тодоровиќ.

Погледнете го трејлерот:

Познат хрватски стопанственик на својот роденден дознава дека е пред банкрот. Во канцеларијата му влегува семејството со торта и тамбураши, а во исто време му се јавува ќерката која студира во Лондон и му соопштува дека е бремена. Таткото на детето е синот на српскиот министер за надворешни работи.

Во стилот на полнокрвен балкански анти-ром-ком, испреплетувајќи хумор, топлина и напнатост, „Свадба“ ја следи приказната за две семејства чиј однос постојано танцува помеѓу топла семејна приказна и меѓународен инцидент – стои во описот на филмот.