И официјално, вчера светските медиуми соопштија дека шармантниот Орландо Блум и ангелот на Victoria’s Secret Миранда Кер се свршија.
Миранда Кер и Орландо Блум
Славниот пар е во врска веќе 3 години и во текот на тој период многупати се појавуваа гласини дека се свршени. Овој пат веста за свршувачката ја потврдија и нивните претставници.
„Орландо Блум и Миранда Кер ќе се венчаат“ – изјавил претставникот на Блум за Entertainment Tonight.
Актерот од „Пиратите од Карибите“ честопати изјавуваше дека не им било лесно да бидат во врска, затоа што и двајцата се премногу зафатени.
„Јас и Миранда поминуваме многу време разделени, таа работи напорно, јас работам напорно, па кога и да имаме малку време го искористуваме за да бидеме заедно“ – признал Блум.