Меланија Трамп со впечатливо враќање во Белата куќа во екот на гласините за Доналд и неговата асистентка

По повеќе од еден месец отсуство од јавноста, Меланија Трамп повторно се појави пред камерите покрај нејзиниот сопруг Доналд Трамп.

Првата дама на САД присуствуваше на настан во Градината на розите во Белата куќа посветен на нејзината иницијатива „Fostering the Future“, а обраќањето го започна со впечатлива порака:

„Слушнав дека ви недостигав. Еве ме“ – рече таа со широка насмевка.

За враќањето во центарот на вниманието, Меланија избра елегантна комбинација од светлосина кошула од Мајкл Корс, црвено здолниште со молив крој од Диор и високи потпетици од Маноло Бланик.

Нејзиното појавување привлече дополнително внимание бидејќи таа и Доналд повеќе од еден месец не беа видени заедно во јавност. Последен пат се појавија како пар на 19 јули, на финалето на Светското првенство во фудбал во Њу Џерси.

Во меѓувреме, американските медиуми интензивно пишуваа за блискоста на Трамп со неговата 35-годишна асистентка Натали Харп, која речиси постојано е покрај него. Дополнително масло на огнот долеаја извештаите дека Харп во минатото му пишувала емотивни пораки на Трамп, како и тврдењата од неименувани извори дека на Меланија не ѝ се допаѓа медиумското внимание околу нивната блискост.

Додека се шират шпекулациите, Доналд и Меланија покажаа единство, држејќи се за раце.

Повод за настанот беше проширувањето на иницијативата „Fostering the Future“. Меланија најави финансиска поддршка од 2 милиони долари од IndyCar и Fox Sports за стипендии за млади лица кои го напуштаат системот на згрижување на Универзитетот Индијана и Универзитетот Пердју.

„Најголемото достигнување кое Америка може да го направи не е технологијата, инфраструктурата или пазарите на капитал. Тоа се нашите деца“ – порача Меланија.