Меланија Трамп го разбуди празничното расположение и добрината кај дечиња и нивните родители во воена база.
Првата Дама на САД пристигна со авион заедно со Дедо Мраз и донесе радост кај најмалите. 55-годишната сопруга на Доналд Трамп носеше стајлинг кој чини речиси 6 илјади долари.
Белото палто, кое беше контраст контраст на нејзината црна облека, е дело на Proenza Schouler и чини 2.200 долари.
Меланија се дружеше со дечињата на воени лица и волонтери кои собираат и распределуваат играчки за деца чии родители не можат да си дозволат да им купат подароци на Божиќ. Настанот е организиран од фондацијата „Toys for Tots“.
„Тука сме за една од најомилените празнични традиции: Toys for Tots, предводена од Резервниот состав на Морнарицата на Соединетите Американски Држави. Повеќе од 75 години, маринците и волонтерите ширум Америка собираат и доставуваат нови играчки до децата на кои им е потребна малку дополнителна радост за Божиќ. Сѐ е спакувано со љубов и голема грижа“ – стои во Instagram објавата на Меланија.
Илјадници маринци, волонтери и воени семејства присуствуваа на прославата во украсен хангар во Квантико.
Првата дама ја нагласи важноста на љубовта и солидарноста за време на празничната сезона, истакнувајќи дека „љубовта патува подалеку и од санките на Дедо Мраз и од американските Osprey воздухоплови“.
Трамп упати и благодарност до сите кои ја поддржуваат фондацијата „Toys for Tots“.
