Меланија Трамп заокружува уште една година како Прва дама на САД. Иако нејзиниот сопруг е исправен пред голем предизвик на политички терен, таа не ги запоставува своите обврски.
Традиционално, 49-годишната Првата дама посети детска болница во Вашингтон и им читаше приказна на малите пациенти. Облечена во кафеава ролка и светлосино здолниште од Прада, Меланија се дружеше со дечиња кои од здравствен аспект не го имаат најдобриот почеток во животот.
Госпоѓа Трамп ширеше празнично расположение меѓу дечиња на воени лица и ја поттикнуваше нивната дарежливост. На настанот „Toys For Tots“, таа им помагаше на малите деца да сортираат играчки и да креираат божиќни честитки. Создадените пакетчиња ќе им бидат разделени на сиромашни деца за претстојните празници.
Во таа прилика, Меланија носеше бела блуза, здолниште со риги од Гучи и црвени чизми.
