Лидерите на земјите од Г7 интензивно разговараат за светските проблеми на самитот во Биариц, а првите дами остваруваат порелаксирани средби во француското гратче.
Меланија Трамп и Брижит Макрон најчесто ги привлекуваа објективите на фоторепортерите кои беа задолжени да ги следат на секој чекор.
Првата дама на САД и Првата дама на Франција беа фотографирани во вила „Арнага“ заедно со другите партнери на политичарите.
Меланија носеше бел фустан од Келвин Клајн и балетанки од Кристијан Лобутин, а Брижит беше облечена во комбинација од Луј Витон.
За вечерната свеченост, Меланија носеше црвена креација од Александар МекКвин.
Славните дами се појавија и на средба со млади сурфери. 49-годишната Прва дама на САД беше облечена во фустан од Алаја, а 66-годишната Прва дама на Франција во бежова креација од Луј Витон.
