Меган Маркл блескаше во бела креација од Оскар де ла Рента покрај принцот Хари на ESPY Awards

Меган Маркл и принцот Хари отпатуваа во Лос Анџелес за да присуствуваат на доделувањето на ESPY наградите.

Во Долби театарот, 42-годишната војвотка мамеше погледи во бела креација од Оскар де ла Рента која ја надополни со црни сандали од Celine. Изгледот на Меган потсетуваше на вториот фустан од свадбата со Хари, кој таа го носеше за вечерната забава.

Хари избра класичен црн костум за манифестацијата на која ја прими наградата „Pat Tillman“.

Парот позираше со домаќинката на настанот, Серена Вилијамс, која ѝ е многу добра пријателка на Меган.