Едно истражување во Англија покажало дека оженетите мажи живеат подолго затоа што сопругите ги тераат да одат на доктор. Покрај ова, истражувачите дошле и до заклучок дека мажите и жените кои се во брак почесто практикуваат редовно вежбање, со што си го продолжуваат животот.
Веројатноста оженет маж да отиде на доктор е за 6% поголема во споредба со неоженет.
Научниците на Универзитетот во Сари откриле дека веројатноста оженетите мажи да одат на доктор е за 6% поголема отколку кога нема кој да им каже дека треба да се прегледаат. Од друга страна, кај жените веројатноста да посетат доктор е иста без разлика дали се во брак или не.
Студијата покажала и дека кај жените кои се во сериозна врска е за 34% поверојатно дека ќе ја одржуваат својата форма преку физичка активност. Кај мажите пак е 20% поверојатно дека еднаш неделно ќе одат на трчање ако се во брак.