Марио Јелиќ-Кун и Исидора Станојевиќ стапија во брак. Популарниот музичар од групата 2Бона и неговата избраничка се заколнаа на вечна љубов во саботата.
Парот се венча во црква и склучи граѓански брак пред да започне големата веселба со нивни блиски.
Разиграната невеста носеше две креации од ателјето Коцарева. За церемониите таа избра долг бел фустан со корсет и тантела додека за свадбената прослава се пресоблече во мини фустан.
Марио и Исидора се верија минатата година. Пред два месеца, нивната приказна стопли илјадници срца откако двајцата јавно зборуваа за синдромот поради кој Исидора е родена без матка и не може да износи свои деца.
„Многу беше зрело за нејзините години, затоа што ми го кажа тоа уште пред што било сериозно да имаме јас и таа. Ми кажа: ‘Не можам да останам трудна’, родена сум со синдром. Мене тоа не ми е битно, битно ми е да сум среќен со неа. Јас не сум со неа затоа што таа може мене да ми роди деца. Благодарение на медицината што е толку напредна во ова време, ние имаме успешни три ембриони кои чекаат само да се лансираат во сурогат-мајка, која ќе ги износи 9 месеци и ќе имаме наши деца со наши гени.“
„Во нејзината ситуација е благослов, затоа што нејзиниот синдром овозможува да може да има свои деца. Фактички има здрави јајце-клетки кои се спојуваат со семето на мажот и ние можеме да створиме ембриони“ – појасни Марио.
Свадбените декорации во бела, црна и бебешко сина боја ги изработи тимот на uniquecrafts.
