Мал херој, голема победа: 8-годишно момче го победи ракот и со танц прослави пред да заѕвони на победничкото ѕвонче
Понекогаш, најтешките битки ги добиваат најмалите меѓу нас.
8-годишниот Ројс од Тексас го претвори болничкиот ходник во подиум за танц откако ја доби битката со ракот.
Во емотивно видео, кое брзо се прошири на социјалните мрежи, малиот херој танцува, прави ѕвезда и со широка насмевка удира на победничкото ѕвонче, кое е симбол на крајот на тешкиот третман против болеста.
Неговата мајка, Џоријал Хадсон, го снимила моментот на 20 март во детската болница во Форт Ворт.
Таа откри дека на Ројс му била дијагностицирана акутна лимфобластна леукемија во јули 2025 година и поминал низ тежок период на лекување, поради што морал да пропушти важни моменти од детството, како роденденот на помалата сестричка.
„Тој ден беше пресреќен. Конечно си одеше дома кај семејството, особено кај сестричката која многу му недостигаше“ – изјавила Џоријал.
Лекарите минатиот месец потврдиле дека Ројс е во ремисија и дека може да ја напушти болницата.
Денес, тој повторно ќе ужива во своето детство, ќе снима видеа, ќе игра игри и ќе се врати на училиште.
„Бидете глас и заштитник на вашето дете и навистина слушајте го, затоа што тие го познаваат своето тело подобро од било кој друг. Токму Ројс беше тој што ги забележа симптомите на леукемијата и тој беше упорен дека нешто не е во ред, инсистирајќи да се направат сите можни испитувања“ – рекла мајка му.
