Татјана Јанушева и Давид Настов прославија за веридбата со најблиските.
Македонската убавица и нејзиниот избраник, кои пред две недели се верија во Дубровник, го одбележаа ова значајно поглавје во нивниот живот со вечера на која ги обединија двете семејства.
На социјалните мрежи, тие споделија неколку фотографии, а нејзиниот татко напиша:
Денес пред тебе стои татко кој со гордост, но и со малку солзи во очите, ја гледа својата ќерка како го започнува најважното поглавје од својот живот.
Цел живот ја чував, ја растев и се трудев да ја направам среќна. Денес ти ја доверувам со едно единствено барање - чувај ја и сакај ја повеќе од сè.
Не ми ветувај дека никогаш нема да има тешки денови. Само ветувај ми дека, кога ќе дојдат, нема да ја оставиш сама да се соочува со нив.
Од денес не си само човекот што ја сака мојата ќерка. Од денес си и мој син.
Со цело срце ви го давам својот благослов и ви посакувам љубов што ќе трае цел живот.
Добредојде во семејството, сине.
Тати за Фемина призна дека, иако се заедно пет години, запросувањето дошло во момент кога најмалку го очекувала.
„После 5 години заедно, искрено воопшто не очекував дека ќе се случи токму сега. ❤️ Бев запросена во Дубровник и мислам дека никогаш нема да го заборавам тој момент. Беше толку неочекувано, а можеби токму затоа и уште поубаво.
После толку години, толку заеднички моменти, убави и тешки денови, сега започнуваме едно ново поглавје заедно. Не можев да замислам поубаво место и поубав начин да се случи. ❤️“ - ни раскажа Тати.
