Десетици лидери од целиот свет викендов допатуваа во Париз по повод одбележувањето на стогодишнината од крајот на Првата светска војна.
Ѓорге Иванов и неговата сопруга Маја беа поканети од Емануел Макрон на церемониите во француската метропола.
58-годишниот Претседател и 54-годишната Прва дама на Македонија беа пречекани од Емануел и Брижит пред Елисејската палата, а потоа заедно со останатите видни гости продолжија кон Триумфалната капија каде се одржа централната свеченост.
Нашата прва дама носеше борда комбинација за средбите со први дами од целиот свет во Версајскиот дворец.
Иванова беше фотографирана со Меланија Трамп, Брижит Макрон, германската канцеларка Ангела Меркел и повеќе први дами.
Претходно, македонскиот пар беше на свечен прием кај Макрон. За таа пригода, Иванова носеше ауфит во мастило-сина боја.
