Мајли Сајрус не можеше да си ги сокрие солзите кога беше прогласена за најмлада „Легенда на Дизни“

Мајли Сајрус се вброи меѓу „Легендите на Дизни“.

31-годишната актерка и пејачка, која се прослави со ТВ серија „Хана Монтана“, не можеше да си ги задржи солзите кога го доби признанието на церемонијата во Калифорнија. Таа стана најмлада Дизни Легенда досега.

„На сите ќе ви кажам една мала тајна на Дизни Легенда. Тоа е дека и легендите се плашат. Јас сум исплашена во моментов, но разликата е дека ние го правиме ова и покрај сè, а секој од вас може да го прави тоа секој ден. Легендарно е да се плашите, но да го правите тоа и покрај сè. Не постои такво нешто како неуспех кога се обидувате.“

„Стојам тука сè уште горда што бев Хана Монтана. Оваа награда им ја посветувам на Хана и на сите нејзини неверојатни, лојални фанови и на сите кои ми го направија сонот реалност. Да ја цитирам самата легенда: ‘Ова е животот’“ – рече Мајли.

Miley Cyrus wipes away tears during her Disney Legends acceptance speech at #D23. pic.twitter.com/iMU2UCcsgu

— Variety (@Variety) August 12, 2024

На настанот, Мајли ја доби поддршката од мајка си и сестра си Бренди.

Хана Монтана е американска телевизиска серија која првпат се појави на 24 март 2006 година на каналот на Дизни. Серијата го следи животот на девојка која живее како просечна тинејџерка по име Мајли Стјуарт преку ден, а е популарната поп пејачка Хана Монтана навечер, криејќи го својот вистински идентитет.