„Мајчинството е низа од подеми и падови“: Џенифер Лопез емотивна за Денот на мајката, а во црвено ги украде сите погледи

Џенифер Лопез вчера го одбележа Денот на мајката со емотивна порака посветена на мајка си Гвадалупе, а потоа се појави на настанот „The Roast of Kevin Hart“ во рамките на Netflix Is A Joke Festival во Инглвуд, Калифорнија.

56-годишната пејачка и актерка заведуваше во црвен фустан со длабоко деколте и ги привлече сите погледи на црвениот тепих. Стајлингот го комплетираше со црвена Шанел чанта и високи потпетици.

Покрај атрактивното издание, Лопез сподели и многу лични емоции. На социјалните мрежи таа ѝ упати емотивна честитка на мајка ѝ, во која зборува за љубовта, силата и комплексноста на мајчинството.

Еве ја нејзината порака за Гвадалупе:

Твојата омилена боја е виолетова. Обожаваш печива и сè што е благо. Кога се смееш, целата просторија се осветлува од твојата гласна и заразна смеа. Кога танцуваш, сите запираат и гледаат. Ти си како молња. Ти си личноста што ја повикувам среде ноќ кога сум изгубена и исплашена да признаам пред некој друг и кога не можам да најдам излез.

Во изминатите 18 години научив дека мајчинството е низа од подеми и падови, моменти кога си поблиска со своето дете отколку со кој било друг човек, а понекогаш се чувствуваш толку далечно што срцето може да ти се скрши од тага.

Не ти било лесно сите тие години со три независни ќерки кои ги воспитуваше да бидат силни, паметни и свои. Но ние те сакаме, мамо. Јас те сакам, мамо. Те ценам денес и секој ден.

Среќен Ден на мајката ❤️

Лопез е мајка на близнаци, кои ги има од бракот со поранешниот сопруг Марк Антони.