Со синглот „Give Me All Your Luvin“ Мадона не направи „бум“ како што очекуваше, па кралицата на поп музиката се надева дека вториот сингл „Girl Gone Wild“ ќе помине многу подобро.
Облечена во секси долна облека, Мадона провокативно позира за омотот на „Girl Gone Wild“, а фотографијата е искористена како основа за создавањето на видеото со текстот на песната.
Насловот на песната прво беше „Girls Gone Wild“, но „s“ од „Girls“ беше отстрането откако американскиот претприемач Џо Франсис, кој поседува бизнис со издавање на DVD-а со истото име, ѝ се закани на 53-годишната пејачка со тужба.
„Girl Gone Wild“ е вториот сингл на Мадона од нејзиниот претстоен албум, „M.D.N.A.“.