Мадона позираше со своите деца за „Вог“ Италија и сподели зошто се пресели во Португалија
Непосредно пред 60-тиот роденден, Мадона сними фотосесија за италијанскиот „Вог“. Музичката суперѕвезда на некои од фотографиите позираше со близначките Естер и Стела, ќерката Мерси и синот Дејвид.
Фотографското дуо Мерт и Маркус стои зад едиторијалот.
Во интервјуто за списанието, Мадона откри зошто се преселила во Португалија. „Фудбал. Мојот син Дејвид, кој ќе наполни 13 години на 24 септември, со години сака професионално да игра фудбал. Очајно се обидував да му најдам најдобри академии со најдобри тренери, но нивото на фудбалот во Америка е многу пониско од остатокот од светот. Го гледав дека е фрустриран и сметав дека е вистинско време. Чувствував дека ни треба промена и сакав накратко да избегам од Америка – како што знаете ова не е најсветол период за Америка. Сум живеела и на други места. Живеев во Лондон 10 години. Сакам да се ставам себеси во некомфорни ситуации и да преземам ризик“ - изјавила таа.
Неодамна Мадона објави фотографија со сите шест деца.