Луксуз, јахта, кршење чинии, семеен собир... Мадона го прослави 68. роденден во Грција покрај децата и 30-годишниот партнер

Мадона пред неколку дена го прослави 68-миот роденден на идилична локација во Грција.

Кралицата на поп-музиката цела недела го славеше својот специјален ден на грчкиот остров Крф заедно со своите деца, партнерот и блиски пријатели.

Музичката ѕвезда сподели фотографии од прославата, на кои може да се види како ужива во убавините и луксузот на Јонското Море. Гостите на локацијата пристигнале со приватни авиони, дел од времето го поминале на јахта, а имале и возбудлива авантура со хеликоптер.

„Роденден ми е! Јади, моли се, сакај, пиј, танцувај, крши чинии, храни мачки!! Му благодарам на Бог!“ – напиша таа во описот на фотографиите од прославата.

Централната прослава се одржа во традиционална таверна во селото Курамадес. За вечерата, Мадона носеше впечатлива креација од Долче и Габана, украсена со златни детали и тродимензионални цветови, која ја надополни со впечатлива розова лента на главата и бројни златни алки.

Покрај славната музичарка беа нејзините деца Лурдес, Роко, Мерси и 13-годишните близначки Стела и Естер, како и нејзиниот 30-годишен партнер Аким Морис.

Прославата вклучуваше традиционална грчка музика, танцување и кршење чинии, а роденденската торта беше украсена со мотив на „evil eye“.