Љубов, море и насмевки: Марија и Бојан од Ај Кју снимија спот за „Убава“ на нивната свадба во Грција

Песната „Убава“ на Ај Кју конечно доби спот, повеќе од една деценија по своето објавување.

Песната со која македонското музичко дуо победи на Скопскиот фестивал во 2015 година е една од ретките во нивниот репертоар што досега немаше официјален видеозапис. Со текот на годините, „Убава“ на сосема природен и ненаметлив начин си го пронајде патот до публиката, станувајќи синоним за прв свадбен танц на многу вљубени парови. 

Токму затоа, Марија и Бојан одлучија оваа безвременска љубовна песна да ја крунисаат со видеозапис составен од најубавите моменти од нивната свадба, која неодамна се одржа на плажа во Грција, во хотелот Ал Маре.

Видеозаписот е на Марио Блажевски од Студио Белмондо, кој успеа автентично да ја долови љубовната приказна што ја инспирираше оваа песна и по повеќе од десет години, да ѝ подари визуелна димензија каква што заслужува.

ВИДЕО: