Лејди Гага заслужено реши да си подари мал одмор. Нејзиниот избор на локација е Сен Тропе, Франција. Но, за папараците кои постојано ја следат не биле толку многу атрактивни убавините на Сен Тропе, колку што биле страсните прегратки на Лејди Гага со непозната бринета.
24-годишната мега-популарна пејачка, којашто отворено признава дека е бисексуална, воопшто не се воздржувала пред папараците и релаксирано уживала во прегратките на својата пријателка.
„Девојките беа една врз друга. Изгледаа како да си поминуваат прекрасно“ – изјавиле сведоци.
По многуте инциденти за време на турнејата на Гага, кои беа резултат на преголемиот замор, одморот очигледно ќе ѝ дојде добро. Во последно време имаше и гласини дека Лејди Гага изгледа премногу слаба, но таа одрече дека има проблеми со тежината.