Лејди Гага во црвена креација си разменуваше нежности со вереникот на премиерата на „Joker: Folie à Deux“

Лејди Гага знае како да привлече внимание.

На црвениот тепих во Лондон, 38-годишната пејачка и актерка заведуваше во црвена креација и кратко сако од Celine. Бидејќи премиерно се прикажуваше нејзиниот најнов филм „Joker: Folie à Deux“, таа имаше драматична шминка со која оддаде почит на ликот кој го глуми, Харли Квин.

Лејди Гага си разменуваше нежности со својот вереник Мајкл Полански, а на нејзината рака блескаше нејзиниот веренички прстен. И тој беше облечен во костум од Celine.

Таа позираше и со својот колега кој ја има главвната улога во филмот Хоакин Феникс.

Гага и Полански се заедно од 2020 година, а за првпат како пар на свеченост се појавија на премиерата на „Joker: Folie à Deux“ во Венеција.