Едвард Лакман пристигна во Битола. Годинашниот лауреат на Златна камера 300 за животно дело слета на скопскиот аеродром утринава.
Лакман беше пречекан од директорката на Фестивалот, Гена Теодосиевска, и Благоја Куновски – Доре.
Лакман е задоволен што утревечер ќе му биде врачена наградата на фестивалот што ја слави работата на кинематограферите. Тој е љубопитен да ја запознае земјата во која доаѓа, поставува многу прашања за Македонија, го интересира политиката и животот на луѓето. Исто така е заинтересиран за историјата на фестивалот „Браќа Манаки“ и е среќен, како што рече, што е поканет оваа година кога се слави јубилејот.
Лакман е со децении во врвот на американските и светските кинематографери, со неколку филмови оскаровски кандидати, со 2 номинации за Оскар.
