Кристијано Роналдо сруши светски рекорд со новиот YouTube канал, доби златно копче и ги израдува децата

Кристијано Роналдо не е само успешен фудбалер.

39-годишниот спортист е најследената личност на социјалните мрежи со речиси милијарда следбеници на различните платформи. Тој сега додаде уште еден успех во своето портфолио, срушувајќи го светскиот рекорд за YouTube канал кој најбрзо стигнал до 1 милион претплатници. На Кристијано тоа му успеа за само 90 минути.

Роналдо го лансираше својот канал „UR“ на 21 август и веќе има 30 милиони претплатници.

Тој доби награда Златно плеј копче, кое се доделува на каналите кои ќе ја надминат бројката од 1 милион претплатници, а потоа сподели видео во кое им го покажува на своите мали деца.