Кристен Стјуарт се приклучи кон големото семејство на Chanel. Главниот дизајнер на француската модна куќа, Карл Лагерфелд, објави дека Кристен ќе биде ѕвездата во рекламната кампања за колекцијата „Métiers d'Art Paris-Dallas“.
Фотографиите биле направени од самиот Лагерфелд, а ќе бидат објавени во мај следната година.
Кристен Стјуарт со Карл Лагерфелд на ревијата во Далас
Кристен беше една од славните гостинки на ревијата на која беше претставена новата колекција на Chanel во Далас. 23-годишната актерка ги следи стапките на Кира Најтли и Блејк Лајвли, кои исто така беа заштитни лица на брендот.