Крис Мартин и Дакота Џонсон не се повеќе заедно. Фронтменот на Coldplay и ѕвездата од филмовите „Fifty Shades of Grey“ ја раскинаа свршувачката.
Тие беа заедно седум години.
Изминатата недела, 34-годишната актерка беше фотографирана без вереничкиот прстен, па медиумите веднаш започнаа да истражуваат што се случува со нивната врска.
Извор близок до парот за DailyMail изјавил:
„Во изминатите месеци, Крис и Дакота очајно се обидуваа да направат нивната врска да опстане. Тие секогаш ќе имаат љубов еден за друг, но и двајцата дојдоа до заклучок дека врската не може да им опстои на долг рок. Тие се зафатени личности, Крис е во Европа за настапите со Coldplay и двајцата имаат лични приоритети, страсти и работни обврски кои природно не им се поклопуваат. Сакаа да успеат, но сега прифатија дека најдобро е да продолжат понатаму.“
Крис претходно беше во брак со Гвинет Палтроу. Тие се разведоа во 2014 година и заедно имаат две деца.
