Кралицата Ранија заслужено е сметана за една од најдобро облечените припаднички на кралски семејства во светот. Јорданската кралица уште еднаш покажа дека поседува беспрекорен дамски стил.
Имено, 54-годишната сопруга на кралот Абдула II присуствуваше на Форумот Европска куќа – Амбросети во Чернобио, а нејзиниот изглед не остана незабележан.
Почитувајќи ја формалната природа на настанот, таа носеше сино-бела комбинација со сако и панталони. Светлосините елече и сако се од италијанската модна куќа Долче и Габана, чантата е од Луј Витон додека обувките ѝ се со потпис на Џими Чу.
