Мараја Кери повторно нè потсетува дека наближува празничната сезона.
54-годишната пејачка ја сними првата божиќна кампања со своите 12-годишни близнаци Морокан и Монро. Тие позираа во координирана празнична облека за компанијата „The Children's Place“.
Црвениот фустан од рекламните фотографии е дизајниран од самата Мараја и чини околу 150 долари. „Фустанот е навистина магичен. Сакав да биде елегантен, голем црвен балски фустан со многу волумен“ – објаснила Кери.
Мараја вели дека ова била совршената кампања за неа, затоа што очигледно е колку многу го сака Божиќ.
„Празниците се за семејството – поминување време едни со други и создавање спомени кои ќе траат цел живот. Празничните традиции се значајни во нашиот дом. Нема ништо послатко од печење божиќни колачиња и гушкање околу каминот во исти пижами од The Children’s Place“ – стои во пораката на музичката ѕвезда.
Мараја неретко е нарекувана „кралица на Божиќ“, поради успехот кој го постигна со песната „All I Want For Christmas is You“.