Ријана и годинава беше една од главните ѕвезди на традиционалниот карневал во нејзината родна земја Барбадос.
38-годишната музичка ѕвезда го привлече вниманието со впечатлив карневалски костим, украсен со безброј обоени кристали, светкави детали и раскошни пердуви во живописни нијанси. Нејзиното спектакуларно издание е дело на барбадоската дизајнерка Лорен Остин, која со години ги потпишува нејзините фестивалски стајлинзи.
Основачката на брендот Fenty танцуваше низ улиците како дел од групата Aura, во која настапува и нејзиниот брат Рори Фенти. Бројни видеа кои се појавија на социјалните мрежи ја прикажуваат насмеана и расположена, како ужива во карневалската атмосфера, танцува и се поздравува со обожавателите.
Ријана со години е редовен гостин на карневалот „Crop Over“, кој претставува една од најзначајните културни традиции во Барбадос, а нејзините модни комбинации секогаш се меѓу најкоментираните.
Ријана има три деца со Ејсап Роки, синовите Риза и Рајот и ќерката Роки.
