Кортни Кокс и Дејвид Аркет објавија дека се разделуваат по 11 години брак, но сè уште се пријатели.
Кортни Кокс и Дејвид Аркет
“
Ние остануваме најдобри пријатели и одговорни родители на нашата ќерка и сè уште многу се сакаме.
Кортни и Дејвид се запознаа во 1995г. за време на снимањето на филмот Scream, а стапија во брак четири години подоцна. Тие се горди родители на шестгодишната Коко.
Уште минатата година Кортни призна дека имаат проблеми во бракот и дека одат на брачно советување. Веста за разделбата ја соопшти списанието InTouch.
Токму кога стана јасно дека бракот на 46-годишната Кокс се распадна, се појави и информација дека друг бивши „пријател“ скокнал во брачните води.
Дејвид Швимер, кој заедно со Кортни беше дел од легендарната екипа на серијата „Пријатели“, тајно се оженил пред 4 месеци.
Дејвид Швимер и Зои Бакмен
43-годишниот актер преку свој претставник соопшти дека се оженил со 25-годишната Зои Бакмен уште во почетокот на јуни. Дејвид Швимер и Зои се заедно од 2007г., а во март потврдија дека се свршени.