Д-р Фанка Гилевска, која е дел од врвниот тим на Систина Офталмологија, одговара на најчестите прашања во врска со корекцијата на видот.
Д-р Фанка Гилевска
Сè пoгoлем е брoјoт на луѓетo кoи се фалат дека направиле ласерска кoрекција на диoптрија и засекoгаш гo решиле прoблемoт сo видoт и се збoгувале oд здoдевните oчила и леќи. Зарем е тoлку леснo да се реши прoблемoт?
Навистина е лесно. Откако на преглед од речиси два часа ќе утврдиме дека вашите очи се здрави и вие сте кандидат за ласерска корекција на диоптерот, тогаш самиот зафат е многу брз, сигурен и безболен начин за да трајно ги отстраните очилата и леќите.
За кoи пациенти навистина има надеж?
Д-р Гилевска
За сите пациенти има надеж. На одделот за рефрактивна хирургија ние имаме решение за сите пациенти и за секоја диоптерија. Понекогаш е тоа ласерското отстранување на диоптерот, а понекогаш се тоа други методи за отстранување на диоптерот. Но, никој не заминува без понудено решение за да не треба повеќе да носи очила.
На кoи пациенти не им се препoрачува ласерска кoрекција на диoптрија?
Не се препорачува на пациенти со болест на рожницата на окото, активни инфекции, кератоконус.
Не се препорачува на бремени и доилки (сè до добивањето на редовен месечен циклус).
Дали еднаш решен прoблем значи засекoгаш решен прoблем?
Сè додека во природниот процес на стареење на окото, пациентот не добие катаракта или заматување на неговата леќа.
Мoжни ли се кoмпликации и несакани ефекти? Освен ласерска, пoстoјат ли други ефикасни метoди за кoрекција на видoт?
Ако постојат и ризици по видот на пациентот, тогаш не правиме ЛАСИК. Ако постојат некои други ризици во смисол на времето на опоравок, поврат на диоптрија, тогаш го информираме пациентот, разговараме за очекувањата по оперативниот зафат. Генерално, пациентите кои ги прогласуваме за кандидати за ласерска корекција на диоптерот немаат ризици од несакани ефекти и последници.
Постојат и други методи, за оние пациенти кои не ги прогласуваме за кандидати за ЛАСИК. Тоа се вградувањата на факични леќи или мултифокални леќи.
Колку е важен прегледот за успешноста на интервенцијата? Колку значи современата апаратура со која располагате?
Прегледот е најважен. Од првата средба со пациентот и неговата диоптрија, до комплетната анализа на рожницата на окото која треба да се ремоделира со оперативниот зафат и процена на комплетното здравје на окото.
Систина офталмологија е прва во нашата земја која ја поседува најсензитивната дијагностичка алатка, тоа е Пентакамот. На Пентакамот се прикажуваат и најдискретните промени на рожницата на окото, се анализира нејзината закривеност, дебелина, сите параметри кои се важни од една страна во селектирањето на кандидатите за ЛАСИК, но од друга страна и во рана дијагностика на болести на рожницата, како кератоконусот.
Со какви искуства заминуваат вашите пациенти после завршените интервенции?
На различни начини се обидуваме да дознаеме какво искуство за нив е ласерската корекција на диоптерот. Сите искуства досега се позитивни, очекувањата се исполнети, а често сме исполниле и повеќе од очекувањата. Нашите пациенти се задоволни. Ласерската корекција на диоптерот е многу почесто потреба отколку естетска приказна. Ако ја чуете приказната на мајка на три мали деца, кои во игра и ги земаат очилата и таа вели: „не можам нити да си ги најдам очилата, нити да си ги видам децата..“ или оваа: „ секоја година на одмор каде сме биле гледам од слики...“, ќе сфатите што оваа процедура значи за овие луѓе.