Калиопи ја одушеви публиката на својот концерт во салата „Ватрослав Лисински“ во Загреб.
Македонската музичка ѕвезда остави дел од својата душа во салата, а беше фасцинирана од начинот на кој публиката реагираше на нејзината музика. Специјални гости ѝ беа Жељко Самарџиќ и Влатко Стефановски, со кого ја изведе „Калеш бре Анѓо“ за првпат по 27 години.
Калиопи сподели фотографии и видеа на Instagram.
„Кога во Лисински ќе оставиш парче од твојата душа“ – напиша таа на албумот со фотографии кои се дело на Omot Produkcija од Загреб.
„Сè уште сум опиена од енергијата на публиката. Каква ноќ, каков концерт! Со моите музичари го оставивме срцето на сцената во ‘Лисински’, а секоја нота оваа вечер беше одраз на нашите доживувања во оваа прекрасна сала. Два и пол часа поминаа како миг“ – изјави Калиопи.
