Џенифер Лопез деновиве славеше за еден од најважните моменти во животот на нејзините деца Макс и Еме.
18-годишните близнаци го завршија средното образование и прославија за матурирањето со најблиските.
Најголемо внимание во јавноста привлече објава поврзана со идните академски планови на матурантите од училиштето, во која ќерката на Џенифер и Марк Антони беше претставена под името Оскар Муњиз.
Според информациите објавени на профилот, Оскар наскоро ќе ги продолжи студиите на колеџот „Sarah Lawrence“ во Њујорк, каде ќе изучува театар и студиски уметности.
Иако Џенифер Лопез досега не дала официјална изјава за оваа промена, познато е дека таа уште во 2022 година јавно зборуваше за небинарниот идентитет на своето дете и тогаш користеше родово неутрални заменки при нивно заедничко појавување на сцената.
На свеченоста по повод матурирањето присуствуваа и мајката на Џеј Ло, Гвадалупе Родригез, како и Семјуел Афлек, синот на Бен Афлек и Џенифер Гарнер.
Во неодамнешно телевизиско интервју, Лопез призна дека емотивно го доживува периодот во кој нејзините деца се подготвуваат да заминат на факултет и откри дека со месеци е преплавена со емоции поради новото поглавје кое ги очекува.
Еме и Макс се родени во февруари 2008 година, а нивните родители Џенифер и Марк се разведоа во 2011 година.
