Емотивното видео во кое самохрана мајка повторно се среќава со своето мало синче по тринеделно отсуство поради хемотерапија ќе ви го стопи срцето.
Неизмерна радост се чита на лицата на Лора Мартенсик и нејзиниот 2-годишен син Џејмс кои весело се прегрнуваат по неколкунеделната разделба.
Лора води втора битка со рак. Во летото 2013 година неа ѝ бил дијагностициран Хоџкинов лимфом. Откако поминала низ тежок период на лекување, резултатите покажувале дека ужасната болест ја губи битката. Но, во септември минатата година, Лора дознала дека ракот повторно се вратил.
На Нова година таа била примена в болница, каде минала низ мачна хемотерапија. Во меѓувреме, Џејмс живеел со сестрата на Лора, која и го снимила виралното видео.
Лора е категорична дека враќањето кај малиот Џејмс не се опишува со зборови. „Не може да се опише со зборови, тоа е најубавото чувство на светот. Апсолутно ништо друго не е подобро од тоа да го гледам и да ги добивам тие прегратки“ – рекла таа во интервју за Today.
Поради големите трошоци за лекување, Лора има започнато онлајн иницијатива за финансиска помош
Лора и Џејмс фотографирани минатата година