Јелена Розга: „Дерматолог ми рече дека ќе бидам поубава ако го намалам носот и ги зголемам усните“
Јелена Розга е една од ѕвездите кои секогаш добиваат комплименти за изгледот.
46-годишната пејачка сега откри дека нема направено никакви естетски зафати и дека негува природен изглед. Хрватската музичарка разговараше со новинарите по својот концерт во Шабац и сподели зошто е тоа така.
„Никогаш не сум направила естетски зафат поради мајка ми. Би ми рекла: ‘Ќерко, што си направила од себе?’ Кога почнав да пеам во ‘Магазин’ во 1996 година, започнав да се шминкам. Имав страшни алергии на очите, усните... Еден познат дерматолог од Сплит откако ми препиша лекови и масти, ѝ рече на мајка ми: ‘Убава е, но би била поубава кога би го намалила носот, би ги зголемила усните и би ги оперирала ушите’. Таа на тоа само му рече: ‘Господине, довидување’“ – рекла Розга за Blic.rs.
„Рецептот за мојот изглед е љубов, песна, публика. Само да сум здрава, здравјето е најважно“ – додала таа.
Јелена носеше кратко црно фустанче за концертот во Шабац.
Јелена сподели видео од убавата ноќ.