Јаков Јозиновиќ се расплака на сцената пеејќи ја „Kuća puna naroda“, публиката ја продолжи песната
Јаков Јозиновиќ не можеше да си ги контролира силните емоции на сцената во преполната белградска МТС арена.
Младиот пејач, кој се смета за нова балканска музичка сензација, се расплака на својот прв голем концерт, додека ја пееше „Kuća puna naroda“ од Здравко Чолиќ.
Публиката ја продолжи песната наместо него, а пејачот преку социјалните мрежи им се заблагодари на сите за поддршката.
„Белграде, вчера ме потсети зошто го сакам ова и зошто сакам да го работам. Кога ни самиот не сум свесен за сè што ми се случува, ме фаќа момент како оној вчерашниот...
Ви благодарам од сè срце, ве сакам и ова ќе го паметам засекогаш“ – напиша тој во описот на видеото од моментот.
@teodorakerezovic Da krenem ovaj put od samog kraja koncerta - emocija ovog momka @Jakov Jozinovic @mts Dvorana #jakovjozinovic #mtsdvorana #koncert #beograd ♬ original sound - Tea
Снимката од емотивниот настап веднаш се прошири на социјалните мрежи, а многумина во коментарите напишаа дека се расплакале заедно со него.
