Сиа го изговори судбоносното „Да“.
На интимна церемонија со само шест лица, 47-годишната пејачка се заколна на вечна љубов со Ден Бернард. Прославата се одржа во домот на дизајнерите Долче и Габана во Портофино, Италија.
Пејачката, која си го крие лицето за време на своите настапи, носеше нежно розова венчаница. Нејзиниот избраник, чиј идентитет не беше познат претходно, избра светло син костум.
Не е познато кога Сиа започна да се состанува со Ден. Таа има споделено само една фотографија со него и тоа во октомври минатата година.
Парот се појави заедно на премиера во декември 2021 година, но и двајцата носеа маски за да го сокријат својот идентитет.
Сиа посвои две момчиња во 2019 година, а следната година за GQ изјави дека планира да остане сингл цел живот.
„Одлучив да бидам сингл до крајот на мојот живот и штотуку посвоив син, немам време за љубовна врска“ – рекла таа.
