Првиот ден од 26-тото издание на Моден Викенд Скопје се одржа во знакот на италијанската мода.
Настанот, кој веќе 13 години се реализира во нашата земја благодарение на организаторката Света Богова-Јовановска, овојпат беше во соработка со Амбасадата на Р. Италија и Италијанската агенција за трговија (ITA).
Познатите модни брендови Liu Jo, Patrizia Pepe, Twinset, Sigma Jewelry, Bark Shoes, Fashion & Friends, Armani Exchange, Dan John, Dioptra Optics, Errea и Smaragd 1969 претставија свои модели за време на двочасовната модна ревија во Ист Гејт Мол.
Италијанскиот бренд за накит Rebecca организираше коктел забава пред почетокот на ревиите.
LIU JO
Patrizia Pepe
Twinset
Sigma Jewelry
Fashion & Friends
Armani Exchange
Dan John
Smaragd 1969
Errea
Ti Sento
Италијанскиот бренд за накит Ti Sento пристигна во Македонија благодарение на Божиновски часовници и накит, кои пред ревиите организираа специјална вечера по повод лансирањето на новиот бренд.
За да го означат почетокот на ревиите, говори одржаа италијанскиот амбасадор во Македонија, Андреа Силвестри, и извршниот директор на Ист Гејт Мол, Игор Давков.
Денес, на истата локација во Ист Гејт Мол ќе настапат домашните дизајнери.
Првото шоу „Hope this feels familiar" е соработка помеѓу модната дизајнерка Теодора Митровска и визуелниот уметник Душан Стефановски. Потоа ќе следува модна ревија на студентите на Интернационалниот институт за мода „Изет Цури“.
Трета во вечерта ќе биде претставена колекцијата „Goddess" на EMIRA YMERI, а свое претставување ќе има и YAMUNA SHOW со уникатна колекција на марами - powered by IQOS.
Третиот ден од модното случување е резервиран за невестинската мода. Најавен е цел блок посветен на THE BRIDAL FASHION со колекции на „Ал Апарел" на Наташа Карчева, SIGMA Jewelry, VLORA & KALTRINA и FA-BU на Јагода Пачемска.
Фотографии: Александар Буневски / Femina.mk