Интимни моменти со сопругата и децата, кадри со ДНК... Таско на роденденот го објави спотот за „Листот 2“

Точно една година по објавувањето на „Листот“, Христијан Тасковски – Таско ја претстави песната „Листот 2“ и видеозаписот за истата.

Спотот на македонскиот рапер, кој денес го слави својот 30. роденден, е исполнет со интимни моменти од неговото секојдневие, семејни кадри со сопругата Наташа и двете деца Лукијан и Кирјана, како и снимки од неговите пријатели и членовите на ДНК кои прерано го напуштија овој свет. 

Фокусот во спотот е ставен на неговиот живот една година по објавувањето на „Листот“, на љубовта кон семејството и домот, како и на неговото дистанцирање од интернетот, каде „сè е лажно и сè е маска“.

Пејачот сподели и роденденско видео со Наташа и децата, а во описот напиша:

Моите 30 години ме научија дека секогаш кога ќе посакаш да се откажеш, постои една единствена искра која може повторно да го запали огнот.

Во моите 30-ти години влегувам трезен, фит и во најдобрата физичка форма во мојот живот, присутен и среќен, работејќи секојдневно на моите соништа, благодарен за секој неуспех и подготвен за секоја битка која ќе дојде на патот.

Ви благодарам и бидете благословени, пријатели мои. Животот е прекрасен за живеење. 🙏🩵

@tasko_ur My 30 years taught me that whenever you feel like quitting, there is one single spark that can start the flame again. I'm starting my 30's sober, fit, and in the best shape of my life, present and happy, working on my dreams every single day, grateful for every setback, and ready for every battle that comes my way. Thank you, and be blessed my friends, it's a wonderful life to live 🙏🩵 #foryou #fyp #viral #birthday #30 ♬ New Sun - Chihei Hatakeyama