Истражувачи од Универзитетот Бон во Германија тврдат дека можат да направат мажите да бидат чувствителни во иста мера како и жените.
За да го докажат тоа, тие прснале спреј окситоцин во ноздрите на 24 мажи и потоа им покажале емоционални фотографии како бебе што плаче, девојче што ја гушка својата мачка и маж што тажи.
Хормонски спреј може да ги направи мажите чувствителни исто колку и жените.
Нивните реакции биле споредувани со реакциите на мажи кои не добиле од „емотивниот“ спреј. Емпатијата изразена од мажите била толку висока што научниците тврдат дека е еднаква со емпатијата што нормално би се очекувало да ја покаже жена.
Окситоцин е хормон кој се создава кај бремените жени за да го предизвика породувањето и да ја зајакне врската со нивното бебенце. Овој хормон се создава и при оргазам. Претходни истражувања покажале дека овој хормон помага за зголемување на довербата и желбата за вљубување, како и за намалување на срамежливоста.