Холивудски џентлмен: Џорџ Клуни ѝ ја местеше наметката на сопругата Амал на црвениот тепих

Џорџ Клуни доби бројни комплименти за џентлменскиот потег на црвениот тепих.

Додека се упатуваа на прославата по повод признанието доделено од „Kennedy Center Honors“, 61-годишниот актер застана да ѝ ја намести заплетканата наметка на сопругата Амал.

Фоторепортерите го „уловија“ моментот кога холивудскиот актер ѝ помогна на саканата да заблеска во полн сјај.

Црвениот фустан на 44-годишната адвокатка е дело на модната куќа Валентино.

Џорџ и Амал имаат две деца, 5-годишните близнаци Ела и Александар.

Признанието од Кенеди Центарот му беше доделено на Џорџ за неговиот придонес во филмската индустрија и американската култура.