Хит видео кое топли срца: Детенце се смее додека ветер му ја вее косата за време на тешка битка со рак
Подгответе се за најслаткото смеење кое несомнено ќе ви го разубави денот.
Видеото од малиот Луи, кој ужива додека ветрот си игра со неговата нова косичка по завршувањето на хемотерапијата, стопли над 15 милиони срца ширум светот.
Снимката споделена од мајка му Кејти Џонсон ја покажува неговата најискрена радост по тешка здравствена битка. Имено, малото детенце од Велика Британија на само 2 години се соочило со акутна лимфобластна леукемија и поради лекувањето, ја изгубило косата.
Позитивниот момент бил снимен кога Луи имал 3 години и одново му пораснала косичката. Слушнете ја оваа заразна детска смеа и потсетете се да се радувате на малите нешта во животот:
По првата победа, ракот повторно се појавил кај Луи. Денес тој е 8-годишно дете кое моментално прима орална хемотерапија и се очекува да повторно да заѕвони на победничкото ѕвонче во февруари.