„Говориме на различен јазик, но плачеме исто“: Моќно видео од младите во Тетово по пожарот во Кочани

Средношколци од Тетово испратија моќна порака по ужасниот пожар во дискотеката „Пулс“ во Кочани.

Учениците од ОСМУ „Никола Штејн“ со видео порачаа: „Говориме на различен јазик, но плачеме исто“. Во снимката, тие држат црни балони, а на дланките имаат испишано натписи со поддршка за сите засегнати од несреќата.

„Кочани, тука сме за вас“, „Со почит на загинатите“, „Кочани, заедно сме појаки“ – се само дел од пораките.