Готски гламур: Марго Роби во ефектна креација и дијамантски ѓердан на Елизабет Тејлор на премиерата на „Оркански височини“
Марго Роби доминираше на премиерата на „Оркански височини“ со стајлинг со „wow-ефект“.
На свеченоста во Лос Анџелес, холивудската ѕвезда пленеше во креација од високата мода на Скијапарели. Фустанот со чипка во горниот дел заробуваше погледи со драматично црно-црвено омбре здолниште во форма на цвет.
Огромно внимание привлече нејзиниот ѓердан. Станува збор за дијамантот Таџ Махал, кој Ричард Бартон ѝ го подари на Елизабет Тејлор за нејзиниот 40-ти роденден во 1972 година. Се проценува дека вреди над 8 милиони долари.
Роби, која во филмската адаптација на романот на Емили Бронте ја глуми Кетрин Ерншо, беше придружувана од Џејкоб Елроди, кој ја има улогата на Хитклиф.
